बिज्ञापन

बिज्ञापन

भूमि व्यवस्था सहकारी संघीय मामिला तथा सामान्य प्रशासन मन्त्री प्रतिभा रावलको सचिवालयमा आवद्ध दुई कर्मचारीले यस्तो लाभको अवसर पाएका हुन । मन्त्रीका आसेपासे,निकटस्थहरुले विगतमा पाउँदै आएका यस प्रकारको विकृती सुधार आउने अपेक्षा विपरित यस पटक पनि यस्तो लाभको अवसर पाउनेमा मन्त्रीका सचिवालयतिर बस्नेहरुले नै शक्तिका आडमा सम्पर्क अधिकृत तोकिएको पाइएको छ ।

संघीय मामिला तथा सामान्य प्रशासन मन्त्री प्रतिभा रावलकी निजी सचिव सुशील पनेरु र मन्त्रालयको कर्मचारी प्रशासन महाशखाका कर्मचारी सुनिल पासवानले लियोजन अफिसर हुने अवसर पाएका छन्। पनेरु र पासवान आमादब्लम हिमाल आरोहणमा लियोजन अफिसर भई फर्किसकेका छन्। लियोजन अफिसर बन्ने अवसर पाउन आफूले २०७५ सालमा तालिम लिए पनि यसपटक मात्र अवसर पाएको पनेरुले प्रतिक्रिया दिएका छन् ।

सरकारले ६ हजार पाँच सय मिटरभन्दा माथिका हिमाल आरोहरणमा जाने समूहमा एकजना सरकारी कर्मचारी सम्पर्क अधिकारीका रूपमा जानुपर्ने कानुनी व्यवस्था छ । आरोहीका गतिविधि अनुगमन गरेर नियम–कानुन उल्लंघन गरेको पाइएमा कारबाही गर्ने अधिकार ती अधिकृतलाई दिइएको हुन्छ ।विभागले सो आरोहण दलको लागि भनेर भूमि व्यवस्था संघीय मामिला तथा सामान्य प्रशासन मन्त्रीको सचिवालयमा कार्यरत रहेका उपसचिव सुनील पासवान र मन्त्रीकै सचिवालयमा कार्यरत रहेका सुशील पनेरुहरुलाई छनौंट गरेसँगै कर्मचारी वृत्तमा आलोचना शुरु भएको छ ।